Mabwysiadu

Fel arfer caiff gorchymyn mabwysiadu ei wneud ar gais yr awdurdod lleol ar ddiwedd achos llys gofal a lleoliad yn unig. Pan fo gorchymyn lleoliad mewn grym, mae’n rhaid i riant geni ymofyn caniatad y llys i wrthwynebu gwneud gorchymyn mabwysiadu. Mae prawf deuol sydd yn rhaid i’r llys ei ystyried pan yn penderfynu a ddylid caniatau’r cais. Yn gyntaf, a oes newid helaeth wedi bod yn sefyllfa’r rhiant ers i’r gorchymyn lleoliad gael ei wneud, ac yn ail, wedi ystyried yr holl amgylchiadau, gan ystyried lles y plentyn i fod yn brif ystyriaeth, ddylid rhoi caniatad? Bydd ail ran y prawf yn canolbwyntio ar les y plenty, siawns y rhiant o ennill ei achos a lles y plentyn drwy gydol ei fywyd/ei bywyd.

Mae Gorchymyn Lleoliad yn orchymyn sydd yn rhoi’r caniatad i awdurdod lleol gyflwyno’r plentyn i ddarpar fabwysiadwyr sydd wedi eu cymeradwyo yn barod gan yr awdurdod lleol. Y Gorchymyn Mabwysiadu yw’r gorchymyn sydd yn dod â pherthynas gyfreithiol y plentyn a’i rieni geni i ben ac yn gwneud y rhieni mabwysiedig yn rieni cyfreithiol y plentyn.

Gelwir hyn yn fabwysiadu llys-riant . Er mwyn gwneud cais, byddai’n rhaid i chi a’ch partner fod wedi cydfyw gyda’r plentyn am o leiaf 6 mis, ac mae’n rhaid i chi roi isafswm o 3 mis o rybudd i’r awdurdod lleol o’ch bwriad i wneud y cais i’w galluogi i wneud asesiad a bydd hwn yn cynorthwyo’r llys. Rhan pwysig o’r asesiad hwnnw fydd ystyried rôl y rhiant arall, oherwydd byddai gorchymyn mabwysiadu ar ran llys-riant yn tynnu i ffwrdd hawl rhiant y rhiant sydd ddim yn byw gyda’r plentyn. Os yw’r plentyn yn derbyn gofal ar draws dau aelwyd felly, byddai cais o’r fath yn anhebygol o fod yn llwyddiannus a byddai eu caniatad fel llys-riant ond yn cael ei wrthod heblaw bod y llys o’r farn fod hynny o fudd i’r plentyn.