Mae Allington Hughes Cyf yn gwmni blaenllaw yng Ngogledd Cymru a Swydd Gaer sy’n darparu cyngor arbenigol yn lleol a chenedlaethol ar ystod eang o faterion cyfreithiol.

Wedi ei sefydlu yn Wrecsam ym 1826, mae gan y cwmni draddodiad hir a balch o sicrhau bod y cyngor cyfreithiol a roddir i gleientiaid yn arbenigol, effeithiol, ymarferol ac wedi ei brisio’n rhesymol.

Ar hyn o bryd mae gan y cwmni bedwar ar ddeg o gyfarwyddwyr a mwy na wythdeg aelod o staff ar draws tair swyddfa yng Ngogledd Cymru a Swydd Gaer. Mae ein hethos hirsefydlog o feithrin talent lleol tra ar yr un pryd yn cyflwyno gwaed newydd yn raddol yn sicrhau bod ein hymgynghorwyr yn arweinwyr yn eu meysydd cyfreithiol arbenigol. Gallwch weld tîm Allington Hughes trwy glicio yma.

Mae Allington Hughes wedi ennill nifer o aelodaethau cynlluniau achredu. Mae logo tic gwyrdd yn nodi aelodaeth cynllun achredu. Mae’n golygu bod aelod o’r cwmni wedi dangos cymhwysedd arbennig yn eu maes penodol o’r gyfraith. Gellir gweld detholiad o achrediadau y cwmni ar droed y wefan, ac er bod y rhain yn rhai o’r prif rai, mae gan y cwmni lu o gymwysterau ac achrediadau pellach.

I ddarllen hanes y cwmni, plîs cliciwch yma.

Neges gan y Rheolwr-Gyfarwyddwr:

“Mae llwyddiant a chyflawniadau ein cwmni yn seiliedig ar ymdrechion ein pobl, ac anghenion ein cleientiaid. Mae ein cwmni wedi mynd trwy nifer o newidiadau cyffrous dros y blynyddoedd, gyda’r unig bwrpas o ddarparu gwasanaeth cyfreithiol wedi’i deilwra i’n cleientiaid. Ein hymrwymiad i’n cleientiaid yw’r hyn sy’n ein gyrru, ac rydym yn falch o gael aelodau ffyddlon o staff sy’n gwneud Allington Hughes beth ydyw heddiw.

Ein hethos yn Allington Hughes yw trin ein cleientiaid â pharch, i wrando, i fod yn ddibynadwy ac ymfalchïo yn yr hyn a wnawn. Yn syml, rydym yn feddylgar ac eisiau’ch helpu chi.

Edrychaf ymlaen at y dyfodol gyda chyffro mawr, a gobeithiaf y byddwch chi’n rhan o’r dyfodol gyda ni. Diolch.”

Alison Stace, Rheolwr Gyfarwyddwr