Yn Allington Hughes mae gennym gyfoeth o brofiad ac arbenigedd o ran delio â phrynu, gwerthu a gosod eiddo preswyl a buddsoddiadau eiddo. Nid ydym yn dibynnu ar “weithwyr achos” a gallwch fod yn sicr o dderbyn gwasaneth personol. Bydd cyfreithiwr penodol ag arbenigedd yn y maes yn delio gyda’ch ffeil, a bydd yn gallu’ch arwain yn bersonol drwy’r broses.

P’un a ydych eisoes yn berchennog eiddo neu’n brynwr sy’n mentro  am y tro cyntaf, gwnewch yn siŵr eich bod yn cael Trawsgludiaethwr gydag  arbenigedd a phrofiad, er mwyn sicrhau bod eich buddiannau yn cael eu diogelu ym mhob cam o’r broses drawsgludo.

Gallwn gynnig gwasanaeth wedi’i deilwra, sy’n darparu’r arweiniad personol sy’n angenrheidiol mewn materion mor bwysig.

Am ragor o wybodaeth am y broses o Brynu a Gwerthu eiddo preswyl, gweler ein Canllaw i Brynu Cartrefi y gellir ei lawrlwytho isod.

Rydym yn cynnig cyngor ar y gwasanaethau canlynol: –

• Gwerthu a phrynu eiddo – Trawsgludo
• Gosod a rhentu
• Trosglwyddiadau eiddo
• Morgeisi
• Gwasanaethau eiddo ychwanegol